जागतिक पर्यावरण दिनानिमित्त डॉ. महेंद्र घागरे यांचे पुण्यात व्याख्यान

जागतिक पर्यावरण दिनानिमित्त आंतरराष्ट्रीय कीर्तीचे पर्यावरण तज्ञ डॉ. महेंद्र घागरे ५ जून २०२६ रोजी पुणे येथील ज्ञानगंगा महाविद्यालयात व्याख्यान देणार आहेत. शुक्रवार ५ जूनला सकाळी ११ वाजता या व्याख्यानाला सुरुवात होईल. पुण्याच्या सिंहगड रोडवरील ज्ञानगंगा ज्युनियर कॉलेजच्या विद्यार्थ्यांना डॉ. महेंद्र घागरे मार्गदर्शन करणार आहेत. हरित मित्र परिवाराचे संस्थापक व प्रमुख मार्गदर्शक या नात्याने डॉ. महेंद्र घागरे यांनी पर्यावरण संवर्धन व संरक्षण यासाठी अनेक उपक्रम राबवले असून अनेक युवा पर्यावरण कार्यकर्त्यांना ते मार्गदर्शन करत असतात.