चांदिवली विधानसभा मतदार संघात वापरलेल्या ईव्हीएम तपासणीचा मुंबई उच्च न्यायालयाचा आदेश

मुंबई | प्रतिनिधी – शिवस्वराज्य न्यूज
राज्यातील राजकारणात मोठी खळबळ उडवणारी घटना समोर आली आहे. २०२४ च्या विधानसभा निवडणुकांशी संबंधित एका महत्त्वाच्या प्रकरणात मुंबई उच्च न्यायालयाने (Bombay High Court) मुंबईतील चांदिवली विधानसभा मतदार संघातील निवडणुकीत वापरलेल्या ईव्हीएम  (इलेक्ट्रॉनिक मतदान मशीन) ची तपासणी आणि छाननी करण्याचे आदेश दिले आहेत.

या निर्णयामुळे उपमुख्यमंत्री एकनाथ शिंदे  गटातील आमदार दिलीप लांडे यांच्यासमोरील अडचणी वाढण्याची शक्यता व्यक्त केली जात आहे.
निवडणूक प्रक्रियेतील पारदर्शकतेवर प्रश्नचिन्ह उपस्थित करणाऱ्या या प्रकरणात न्यायालयाने घेतलेला हा निर्णय अत्यंत महत्त्वाचा मानला जात आहे. भारताच्या निवडणूक इतिहासात पहिल्यांदाच अशा प्रकारे न्यायालयाने EVM तपासणीस परवानगी दिल्याने राजकीय वर्तुळात चर्चेला उधाण आले आहे.
या आदेशानुसार संबंधित EVM मशीनची तांत्रिक तपासणी, डेटा पडताळणी आणि छाननी केली जाणार आहे. यामुळे निकालावर परिणाम होऊ शकतो का, याकडे सर्वांचे लक्ष लागले आहे. विरोधकांकडून या निर्णयाचे स्वागत करण्यात येत असून, सत्ताधारी गटाकडून मात्र यावर सावध प्रतिक्रिया दिली जात आहे.
विशेष म्हणजे, या प्रकरणामुळे निवडणूक आयोगाच्या कार्यपद्धतीवरही प्रश्न उपस्थित होण्याची शक्यता आहे. आगामी काळात या तपासणीचा अहवाल काय सांगतो, आणि त्याचा राजकीय समीकरणांवर काय परिणाम होतो, हे पाहणे महत्त्वाचे ठरणार आहे.
👉 शिवस्वराज्य न्यूज तुमच्यासाठी या प्रकरणातील प्रत्येक अपडेट घेऊन येत राहील.