मुख्यमंत्री देवेंद्र फडणवीस यांना खुले पत्र

मा. मुख्यमंत्री महोदय,
महाराष्ट्र राज्य

विषय: छत्रपती शिवाजी महाराजांबाबत झालेल्या वादग्रस्त वक्तव्याविरोधात तात्काळ कारवाई करण्याबाबत.

महोदय,
सध्या राज्यातील वातावरण अत्यंत संवेदनशील आणि तापलेले आहे. महाराष्ट्राचे आराध्य दैवत, हिंदवी स्वराज्याचे संस्थापक, राष्ट्रपुरुष छत्रपती शिवाजी महाराज यांच्याबाबत काही व्यक्तींनी केलेली तुलना व वक्तव्ये ही संपूर्ण शिवप्रेमी, मराठा समाज आणि महाराष्ट्राच्या जनतेच्या भावना दुखावणारी आहेत.
विशेषतः श्री. नितेश राणे यांच्या संदर्भातील चर्चेमुळे समाजामध्ये तीव्र संतापाची भावना निर्माण झाली आहे. तसेच संबंधित जैन मुनिंच्या वक्तव्यावर अद्याप ठोस कारवाई न झाल्याने जनतेमध्ये रोष वाढत आहे. तसेच बागेश्वर धामचे धिरेंदर कृष्ण महाराज यांनी आपल्या नागपुरात येऊन शिवाजी महाराज व रामदास स्वामी यांच्याबाबत आक्षेपार्ह विधान क
छत्रपती शिवाजी महाराज हे केवळ एका समाजाचे नसून संपूर्ण देशाचे प्रेरणास्थान आहेत. त्यांच्या महान कार्याची कोणाशीही तुलना करणे अथवा त्यांच्या व्यक्तिमत्त्वाचा अवमान होईल असे वक्तव्य करणे हे महाराष्ट्र कधीही सहन करणार नाही.
त्यामुळे अखिल भारतीय मराठा संघाच्या वतीने आपणास विनंती करण्यात येते की:
संबंधित जैन मुनिंच्या वक्तव्याची तात्काळ चौकशी करण्यात यावी.
धार्मिक आणि सामाजिक तेढ निर्माण करणाऱ्यांवर कठोर कायदेशीर कारवाई करण्यात यावी.
राज्यातील कायदा व सुव्यवस्था अबाधित राखण्यासाठी सरकारने स्पष्ट भूमिका जाहीर करावी.
भविष्यात छत्रपती शिवाजी महाराजांबाबत अपमानास्पद वक्तव्य करणाऱ्यांविरोधात कठोर नियम लागू करण्यात यावेत.
अन्यथा महाराष्ट्रातील शिवप्रेमी आणि अखिल भारतीय मराठा संघ राज्यभर लोकशाही मार्गाने तीव्र आंदोलन छेडण्यास बाध्य होतील. याची सर्वस्वी जबाबदारी प्रशासनाची राहील.
आपण महाराष्ट्राच्या जनतेच्या भावना समजून तातडीने योग्य ती कारवाई कराल, अशी अपेक्षा आहे.
आपला विश्वासू,
अजित पाटील
अखिल भारतीय मराठा संघ